खबरसबैको समाचारदाता, कञ्चनपुर शनिबार, बैशाख ०३, २०७९
कञ्चनपुरको भीमदत्त नगरपालिका २ नम्बर वडामा पाँच बर्षको प्रगति विवरण शनिबार पत्रकार सम्मेलन मार्फत सार्वजनिक गरिएको छ । कार्यक्रममा पाँच वर्षमा भएको विकास निर्माण र प्रगति सार्वजनिक गरिएको हो । सो अवधिमा वडा भित्र दर्जनौँ योजना तथा कार्यक्रमहरू सम्पन्न भएको जनाइएको छ ।
युवा वडाध्यक्ष डम्बर कार्की(डिके) ले वडा भित्र विभिन्न भौतिक पुर्वाधार, स्वास्थ्य शिक्षा, यातायात, खानेपानी, कृषि, साथै वडाको आफ्नै भवन निर्माण गरेको जनाएका छन् । वडाले आर्थिक, समाजिक, साँस्कृतिक क्षेत्रमा थुप्रै उपलब्धी प्राप्त गरेको अध्यक्ष कार्कीको दावि छ।कार्यक्रममा विभिन्न मिडियाका पत्रकार, स्थानिय बासी र सारोकारवालाको उपस्थित रहेको थियो ।
कार्यक्रममा बोल्दै अध्यक्ष कार्कीले भने “वडामा धेरै विकास निर्माणका काम भएपनि आफै पुर्ण सन्तुष्ट नभएको र वडाभरी थुप्रै विकास निर्माणका योजना लागु भएका छन् र भावि दिनमा समेत जिम्मेबारी पाए थप विकास गर्ने समेत जनाएका छन् ” ।
यहाँ कमेन्ट गर्नुहोस्