खबरसबैको समाचारदाता, हुम्ला शनिबार, बैशाख ३१, २०७९
हुम्ला– भौगोलिक विकटताका कारण हुम्लाका चार मतदान केन्द्रबाट मतपेटी र कर्मचारी पुग्न सकेका छैनन्। ४८ सय मिटर नारा लेख पार गर्न कठिन भएपछि नाम्खा गाउँपालिका ६ लिमिका भृकृटी आधारभुत विद्यालय जाँङ्ग सुनखानी आधारभुत विद्यालय हल्जी हिमशिखर आधारभुत विद्यालय तिल मतदान केन्द्रबाट याल्वाङ्ग पुग्न सकस भएको हो ।
यस्तै गरी चंखेली गाउँपालिका डाँफे आधारभुत विद्यालय नेप्का मतदान केन्द्रबाट मतपेटी र कर्मचारी नपुगेको जिल्ला निर्वाचन कार्यालय हुम्लाले जनाएको छ । चंखेली गाउँपालिका ५ को नेप्काबाट मतपेटी सहित कर्मचारी हिडिसकेको जिल्ला निर्वाचन कार्यालयका प्रमुख मुतिनन्द रावलले जानकारी दिए । नाम्खा गाउँपालिका ६ को लिमि मतदान केन्द्र हेलिकप्टरबाट मतपेटी कर्मचारी भोली मात्रै ल्याउने भएको निर्वाचन कार्यालय प्रमुख रावलको भनाई छ ।
यहाँ कमेन्ट गर्नुहोस्