शताब्दी पुरुष सत्यमोहन जोशीको स्वास्थ्य अवस्था चिन्ताजनक

शताब्दी पुरुष सत्यमोहन जोशीको स्वास्थ्य अवस्था चिन्ताजनक रहेको किष्ट मेडिकल कलेज तथा शिक्षण अस्पतालले जनाएको छ।

आज एक विज्ञप्ति मार्फत अस्पतालले जोशीको स्वास्थ्यमा उल्लेखनीय सुधार नभई अवस्था चिन्ताजनक रहेको जनाएकाे छ । जोशीको गत असोज २३ गतेदेखि छातीमा निमोनियाको संक्रमण भएकाले एन्टिबायोटिक सुरु गरिएको अस्पतालका निर्देशक प्राडा सुरज बज्राचार्यले  जारी गरेको विज्ञप्तिमा उल्लेख छ।

अस्पतालका अनुसार मुटुको चालसम्बन्धी समस्या देखापरेकाले सो नियन्त्रणका लागि सघन उपचार कक्ष (आइसियू) मा राखेर उपचार गरिएको छ।