खबरसबैको समाचारदाता, हुम्ला सोमबार, मंसिर ०५, २०७९
नाम्खा गाउँपालिका-६ का तीन वटा मतदान केन्द्रका मतपेटिका हेलिकप्टरबाट ल्याइएको छ ।
लिमिको तिल गाउँको हिमशिखर आधारभूत विद्यालयको मतदान केन्द्र, हल्जी गाउँको सुनखानी आधारभूत विद्यालय मतदान केन्द्र र जाङ गाउँको भृकुटी आधारभूत विद्यालय मतदान केन्द्रका मतपेटिका नेपाली सेनाको हेलिकप्टरबाट ल्याइएको हो ।
जिल्लाका ५९ वटा मतदान केन्द्र मध्ये २५ मतदान केन्द्रबाट मतपेटिका सदरमुकाम सिमकोट ल्याइएको जिल्ला निर्वाचन कार्यालय हुम्लाका निमित्त निर्वाचन अधिकारी श्यामबहादुर रानाले जानकारी दिए।
प्रदेश १ मा रहेका ३४ वटा मतदान केन्द्रका मतपेटिका आइनपुगेको निमित्त निर्वाचन अधिकारी रानाले बताए ।
प्रमुख जिल्ला अधिकारी सीता परियारका अनुसार बैठक बसेर अरु मतपेटिका कसरी संकलन गर्ने भन्ने निर्णय गरिनेछ । भोलि साँझसम्म मात्रै मतपेटिका संकलन गरिसक्ने उनको भनाइ छ।
यहाँ कमेन्ट गर्नुहोस्