वृद्धाको शव भीरमा भेटिएको छ।।।

कालीकोट — खाडाचक्र २ की ८१ वर्षीया शोभा जैसीको शव भीरमा भेटिएको छ । साउन २१ गतेबाट हराएकी वृद्धाको खाडाचक्र २ नैनेलमाडुस्थित कालामोडको भीरमा सोमबार बेलुकी शव भेटिएको निमित्त जिल्ला प्रहरी प्रमुख सुबराज बमले बताए ।

प्रमुख बमका अनुसार घटनाको प्रकृति हेर्दा भीरमा हामफालेजस्तो देखिने जनाए। उनको जुत्ता र सल भीरको सिरानमा फेला परेको थियो ।
वृद्धा मुखको क्यान्सरले पीडित थिइन् भने घरमा एक्लै बस्दै आएकी थिइन् । उनको स्थानीय तिला नदीको सेरिघाटमा मंगलबार अन्तिम संस्कार गरिएको छ ।