नौ महिना पछि उज्यालो

राज शाही
हुम्ला २५, पौष
हुम्ला जिल्लाको खार्पुनाथ गाउँपालिका वडा एक लागिका स्थानियले नौ महिना पछि विद्युत मर्मत हुदा उज्यालो देख्न पाएका छन् । खार्पु गाउँपालिकाको आर्थिक सहयोगमा उक्त विद्युत सञ्चालनमा आएको स्थानिय नरेन्द्र शाहीले बताएका हुन् ।
विहिबार विद्युतको पावरहाउसमा बत्ति बलेको शाहीले बताएका हुन् । लाली खोला लघु जलविद्युत नौ महिना सम्म अवरुद्ध हुदा त्यस क्षेत्रका स्थानिय अन्धकारमा बस्दै आएका थिए । वडा एक लालि कै स्थानिय प्राविधिक जयबहादुर शाहीले उक्त आयोजनाको पावरहाउसमा मर्मत गरेको शाहीले बताएका हुन् ।
विद्युत विग्रदा लाली, गोप्का, देउखुरी लगाएतका गाउँका स्थानिय अन्धकारमा बस्दै आएका थिए । विहिबार विद्युत हाउसमा उज्याले भए पछि अबको एक दुई दिनमा खार्पुनाथ गाउँपालिका वडा एकका सबै गाउँमा विद्युत सुचारु हुने प्राविधिक जय बहादुर शाहीले बताउनुभयो ।
नौ महिना सम्म विद्युत मर्मत नहुदा त्यस क्षेत्रका स्थानियले सल्लाहको झरोको प्रयोग गर्दै आएको शाहीले बताउनुभयो । अब वडा एकका स्थानियले अन्धकारमा बस्नु पर्ने बाध्यता हटेको शाहीले बताएका हुन् ।