Khabarsabaiko बुधबार, भाद्र २५, २०७६
हुम्ला
उच्च हिमाली जिल्ला हुम्लामा नेपाल टेलिकम शाखाले हेल्दुम वितरण केन्द्रको विद्युत अवरुद्ध हुँदा ईन्टरनेट तथा टेलिफोन सेवा जेनेटरबाट सञ्चालन गरेर सेवाग्राहीलाई सञ्चारमा जोडेको छ ।
भाद्र २० गते देखि पेन स्टक पाई र नहर मर्मतका लागी भन्दै करिब २० दिनका लागी विद्युत बन्द हुँदा पावर नपुगेर जेनेटरबाट सेवाग्राहीलाई सञ्चारमा जोडेको नेपाल टेलिकम शाखा हुम्लाका निमित्त प्रमुख राम बहादुर बोहराले जानकारी दिनुभयो ।
विद्युत पावरको कारण बन्द रहेको नेपाल टेलिकमका सबै सेवाहरु नेपाल टेलिकमको क्षेत्रीय कार्यालय नेपालगञ्जको अनुमति लिएर जेनेरेटर सञ्चालन गरेर सेवा सुचारु गरिएको टेलिकम हुम्लाका निमित्त प्रमुख बोहराले जानकारी दिनुभयो ।
नेपाल टेलिकम शाखा हुम्लाले जेनेटर सञ्चालबाट ईन्टरनेट तथा टेलिफोन सेवा सुचारु गरेता पनि रातभरी यि सेवा बन्द हुनेगरेका छन । नेपाल टेलिकम शाखा हुम्लाबाट सञ्चालन हुने सम्पुर्ण सेवाहरु विहान दश बजे सम्म र दिउँसो एक घण्टा साँझ एक द्धण्टा बन्द हुनेगरेको छ ।
टेलिकमको सेवा बन्द हुँदा हुम्लामा रहेका वल्र्ड लिंक र एनसेलको सेवा पनि प्रभावित बनेको थियो । नेपाल टेलिकम शाखा कार्यालय सिमकोटमा लाखौं मूल्यका सोलार प्यानल भएपनि मर्मत संभार नहुँदा जिर्ण अवस्थामा रहेका छन ।
यहाँ कमेन्ट गर्नुहोस्