गाडीबाटै सिमकोट खाद्यय संस्थानमा चामल पुग्यो, दशैंमा चामलको अभाव नहुँने

हुम्ला
गत आर्थिक वर्षमा आईपुग्नु पर्ने खाद्ययन्न काठमाण्डौ हुदै सदरमुकाम सिमकोटमा सोमबार पुगेको छ । केही दिन अगाडी केरुङ्ग नाकाबाट हुदै हिल्सामा पुगेको पाँच हजार पाँच सय कुईन्टल चामल मध्य चामल चार हजार कुइन्टल चामल सिमकोट खाद्यय संस्थान लागी सलिसल्लामा पुगेको छ भने १५ सय कुइन्टल चामल याल्वाङ्ग वितरण केन्द्रमा पुगेर विक्रि वितरण गरिएको नेपाल खाद्यय संस्थान हुम्लाका प्रमुख राम बहादुर विष्टले बताए ।

सलीसल्ला खोलामा पुगेको चार हजार कुईन्टल चामल मध्य सोमबार दुई वटा टिपरले पहिलो पटक तीन सय चालीस बोरा खाद्ययन्न सिमकोट खाद्यय संस्थानमा पुराएको छ ।

हिल्ला देखि एक हप्ता बढी सल्लीसल्ला खोलामा रहेको चामल सोमबार टिपरहरुले ओसार्न थालेको ठेकेदार धुब्र शाहीले जानकारी दिए । सल्लीसल्ला खोला देखि सिमकोट आईपुग्न टिपरले करिब ६ घण्टा लगाउने गरेका छन भने सोमबार दुईवटा टिपरले चामल ओसारेका थिए ।
सल्लीखोला देखि चामल बोकेर सिमकोट पुगेका दुईवटा टिपरले तीय सय चालीस बोरा चामल ल्याएको शाहीले जानकारी दिए ।

सल्लीसल्ला खोलामा रहेका अन्य सात वटा टिपर मार्फत सिमकोट खाद्यय संस्थानको चामल बुधबारबाट नियमीत ओसार्ने भएको खाद्यय संस्थानका विष्टले बताए ।

काठमाण्डौ देखि सिमकोट खाद्यय संस्थान सम्म चामलको गाडी भाडा सय केजीको भाडादर आठ हजार चार सय ९५ रुपैया परेको छ । उता काठमाण्डौ देखि याल्वाङ्ग विक्री केन्द्रका लागी पुगेको १५ सय कुइन्टल चामलको सय केजीका दरले गाडी भाडा चार हजार दुई सय पर्न गएको उहाँले जानकारी दिए ।

दशैंमा चामलको अभाव नहुँने

सधै दशैंमा चामलको अभाव हुने हुम्लामा यो वर्ष खाद्ययन्न मौजात प्रसस्त रहेको छ । गएको वर्ष नेपाल खाद्यय संस्थान शाखा हुम्लाले एक घरधुरीलाई तीन केजीका दरले चामल वितरण थियो । त्यसै अनुरुप विभिन्न निकायको सकार्यमा यो वर्ष सिमकोटमा रहेको खाद्यय संस्थानको गोदाममा चामल स्टोक रहेको संस्थान प्रमुख विष्टले बताए ।

गोदाममा चामल स्टोक रहेकाले दशैंका लागी यहाँका स्थानीयलाई एक गते देखि चामल वितरण गरिरहेको उहाँले जानकारी दिए । उनले भने केरुङ्गबाट चमल ढिलो आएता पनि यो वर्ष हुम्लाको लागी दशैंमा चामलको अभाव नहुँने थियो । त्यहि सोमबार बाट काठमाण्डौ, केरुङ्ग, हुँदै हिल्सा पुगेको चामल सलिसल्ला देखि सिमकोट पुग्न थालेको उहाँले जानकारी दिए ।