Khabarsabaiko मंगलबार, पुष ०७, २०७७
हुम्ला– हिल्सा सिमकोट खण्ड अन्तरगर्त हेप्का खोलाको पुल निर्माणमा खटिएका कामदारले ज्याला नपाएको गुनासो गर्न थालेका छन् ।
०७६ साल भदौ २७ गतेबाट नियमित रुपमा काम खटिएका कामदारले डेढ वर्षसम्म ज्याला नपाएको गुनासो गरेका छन् ।
सिमकोट गाउँपालिका–७ र नाम्खा गाउँपालिका–१ मा पर्ने हेप्का खोलाको पुल निर्माण खटिएका कामदारलाई ठेकेदारले डेढ वर्षदेखि काम गर्दा सम्म ज्याला नपाएको गुनासो गदै आएका छन् ।
०७४साल श्रावण ६ गते सम्झौता भएर ०७६ साल श्रावण १५ गते सम्पन्न गर्ने लक्ष्य राखिएको सपना धुलिखेल जेविका प्रतिनीधि तेजबहादुर महतले हिल्सा सिमकोट योजना कर्यालयसँग सम्झौता गरेका छन् ।
HSRP/३३७३२०/४/०७३/०७४/०१४ नम्बर ठेक्का रहेको यो पुल निर्माणमा खटिएका कामदारले हालसम्म करिब १९ लाख रुपैया रकम नपाएको काममा खटिएका कामदार प्रमुख खुसिराम थारुले गुनासो गरे ।
पुल निर्माण गर्ने क्रममा कामदारहरुलाई पहिलो पटक पेश्की रकम दिन भनिएता पनि ठेकेदारको लापरबाहीका कारण हालसम्म पनि काम गरेको रकम नपाएको थारुले गुनासो गरेका छन् ।
होटेल तथा पसलका साहुसँग क्रृण सापट मागेर खर्च चलाउदै आएको उनले बताए । हेप्का खोलाको पुल निर्माण गर्ने कामदारहरु १२ जना कैलाली जिल्लाका रहेका छन् । पटक पटक ठेकेदार र हिल्सा सिमकोट सडक योजना कार्यालयलाई हार गुहार गर्दा समेत कुनै कुराको सुनुवाई नभएको कामदार थारुले बताए । पुल निर्माणका जिम्मा लिएका सपना धुलिखेल जेविका प्रतिनीधि तेजबहादुर महतसँग टेलिफोनमा सम्पर्क गर्न खोज्दा फोन अफ गरेर बसेका छन् । दुई वटा पुलको जिम्मा लिएका ठेकेदार नै सम्पर्क बिहिन भएर बस्न थालेका छन् ।
यता हिल्सा सिमकोट सडक योजना कार्यालय हुम्लाका अनुसार काममा कामदार लगाएपछि पैसा ठेकेदारले दिनुपर्ने जनाएको छ । केन्द्रबाट बजेट नआएर पनि समस्या भएको हो अब पुल निर्माणका लागि अर्थमन्त्रायालमा १० करोड बजेट माग भएको हिल्सा सिमकोट सडक योजना कार्यालय हुम्ला प्रमुख बेलबहादुर नेपालीले बताए । पुल निर्माण हुदा पेश्की रकम लिएपछि ठेकेदारले कामदार दिनुपर्छ प्रमुख नेपालीको भनाई छ । पुल २५ मिटर लम्बाई १४.३३ मिटर उचाई र ८ मिटर चौडाईको पुलमा हिल्सा सिमकोट कार्यालयसँग सपना धुलिखेल जेविका प्रतिनीधिले ११ करोड २ लाख ९० हजार ५ सय ४७ रुपैया २२ पैसामा सम्झौता भएको छ ।
फोटोः नरजन तामाङ
यहाँ कमेन्ट गर्नुहोस्