चीनले कोरोनाभाइरस विरूद्धको खोप नेपाललाई अनुदानमा दिने

उत्तरी छिमेकी चीनले कोरोनाभाइरसविरूद्धको खोप नेपाललाई अनुदानमा दिने भएको छ। काठमाडौंस्थित चिनियाँ दूतावासले दिएको जानकारीअनुसार चीनले ३ लाख डोज कोरोना भ्याक्सिन छिटै नेपाललाई अनुदानमा दिने निर्णय गरेको छ।

चीनले दिएको भ्याक्सिन १ लाख ५० हजार जना मानिसमा लगाउन मिल्ने जनाइएको छ। यसअघि गत साता भारतले नेपाललाई बेलायतको अक्सफोर्डरअष्ट्राजेनेकाले विकास गरेको र सेरम इन्स्टिच्युट अफ इन्डियाले उत्पादन गरेको १० लाख डोज भ्याक्सिन अनुदानमा दिएको थियो।