Khabarsabaiko मंगलबार, जेठ ०४, २०७८
नेपालमा कोरोना संक्रमणबाट एकै दिन एक सय ९६ जनाको मृत्यु भएको छ । स्वास्थ्य तथा जनसंख्या मन्त्रालयले मंगलबार साँझ सार्वजनिक गरेको विवरणअनुसार हालसम्म नेपालमा मृत्यु हुने कोरोना संक्रमितको संख्या पाँच हजार चार सय ११ पुगेको छ ।
पछिल्लो २४ घन्टामा आठ हजार दुई सय तीनजना संक्रमित थपिएका छन् । योसँगै देशभर सक्रिय संक्रमितको संख्या एक लाख १४ हजार पाँच सय २९ पुगेको छ ।
पछिल्लो २४ घन्टामा ६ हजार आठ सय ९१ जना कोरोनामुक्त भएका छन् । योसँगै कोरोनामुक्त हुनेको संख्या तीन लाख ५३ हजार चार सय १४ पुगेको छ । नेपालमा निको हुने दर ७४.६ प्रतिशत रहेको छ ।
यहाँ कमेन्ट गर्नुहोस्