छिरिङ शेर्पाको निधनको शाेकमा यति र तारा एयरले आज उडान नगर्ने

काठमाडाैं ।
यति एयरलाइन्सका प्रबन्ध निर्देशक आङ छिरिङ शेर्पाको निधनको शोकमा आज (शुक्रबार) यति एयरलाइन्स र तारा एयरलाइन्सले आफ्ना सबै उडान बन्द हुने भएका छन् ।

कम्पनीका प्रबन्ध निर्देशकको निधनको शोकमा शुक्रबार देशैभर हुने दुवै एयरलाइन्स उडान एक दिनका लागि बन्द गर्न लागिएको कम्पनीले जनाएको छ । साथै शनिबारदेखि आफ्ना सबै उडान नियमित रूपमा सञ्चालन हुने पनि कम्पनीले जनाएको छ । उडान बन्द हुँदा यात्रुमा पर्ने असरप्रति कम्पनी क्षमाप्रार्थी रहेको पनि जनाएको छ ।